exam chalisa

ude neend sukh chain sab, jeena hua haram
kahe ko banwa diye, prabhu tumne exam

jai exam maha dukhdai-kyo aa jate ho harjai
kuchh tumhra hamne na bigada- par tumne hum ko he pachhada
teacher bhoot nisachar laage - examiner rakshas kehlave
lage principal ka rukh aisa - jyo yam raj chale bin bhainsa
raat raat jag kari padhai - par sasuri kuchh kaam na aai
paper dekh dukhi mann gaave - yeh paper setter mar jaave
khud biwi se pit kar aaya - lekin hamra band bajaya
hue sabhi subject bewafa - raat me ghote subah sab safa
mandir me parsad chadhaya - lekin wo bhi kaam na aaya
zalim hue physics chemistry - daga de gai sasuri history
jisne bhi commerce banai - uski jam kar karo thukai
science wale tu bhi aa ja- tera jaldi uthe janaja
art side jisne banwai - usko peete roz lugai
maths creater ho jaaye kana - geography ka mar jaaye nana
jo copy kitab chhapwaye - prabhu uska business bik jaaye
ghar ke bahar khilti holi - apne dil per chalti goli
yar dost sab mauj udave - hum syllabus le sar fudwaave
jab se paper ki ritu aai - girl friend bhi naahi ghumai
padho to yar dost sab chhute - nahi padho to bapu koote
burger pizza chhutat jaave - mumma nit badam khilave
kahe dushyant taste sab chhuta - paper aaye naseeba phoota
dada ne dukh aisa deena - mobile bhi hamra chheena
chhute orkut face bookai - off line ab rehte bhai
padhne tak he theek tha, kahe bane exam
aise system ka prabhu, kar de kaam tamam. draft